Thema : Doni ingan mpermuliaken Dibata  Nas : 1 Petrus 1 : 17 - 22 Nas Renungen    Tupung kam ertoto man Dibata, ikatakenndu Ia Bapa. Ia me si ngadili kerina manusia alu la erndobahen rikutken perbahanen sekalak-sekalak. Erdandanken si e pakeken kesempaten si lit guna pemuliaken Dibata, kidekah kam nggeluh denga i doni enda. Ietehndu kap alu kai kam itebusi i bas kegeluhenndu si la erguna, si ialokenndu i bas nini-ninindu nai nari. Kam itebusi labo alu barang si banci masap, umpamana emas ntah pirak. Ia nggo ipilih Dibata ope denga doni enda ijadiken, janah nggo ipetangkas i bas wari-wari si arah pudi enda guna kiniulinndu. Arah Ia, tek kam man Dibata si pekeke Ia i bas si mate nari dingen si mereken kemulian man BaNa. Emaka kiniteken ras pengarapenndu itamakenndu i bas Dibata. Erdandanken patuh kam ngikutken pengajaren si tuhu-tuhu e, nggo ibersihkenndu dirindu seh maka lit i bas kam keleng ate si tuhu-tuhu nandangi temanndu si sada kiniteken. Emaka sikeleng-kelengenlah kam alu bula

  Thema : Untung kap ndalanken kebujuren  Nas : Kuankuanen 20 : 5 – 10  Nas Renungen    Perukuren jelma bali kap ras lau i bas telagah si mbages, tapi kalak si lit perukurenna ngasup njaruksa. Nterem kalak ngataken ia setia, tapi kalak si tuhu-tuhu setia mesera njumpaisa. Untung kap anak si erbapaken kalak bujur, dingen si ndalanken perbahanen si bujur. Tupung raja ngadili, iperiksana kerina, dingen idahna tep-tep kejahaten. Lit kin kalak si pang ngerana, "Nggo bersih perukurenna, aku nggo bebas i bas dosa nari?" Timbangen dingen sukat sukat si la bujur, la ngena ate Tuhan  Fakta dan Makna  1. Perukuren jelma bali kap ras lau i bas telagah si mbages, tapi kalak si lit perukurenna ngasup njaruksa. Kata kata bijak ibas perikop enda perlu si sadari ras siterapken ibas kegeluhenta.  Perukuren Jelma bali kap ras lau i bas telaga si mbages.  Seh bagesna janah mesera muatsa.  Tapi kalak si lit perukurenna ngasup njaruksa.  Pusuh hanya bisa didekati alu pusuh.  Sora pusuh, isi pusu

  Thema : Jadi senina man senina  Nas : Kejadin 45 : 1 – 9  Nas Renungen    Lanai tertahan Jusup ukurna i lebe-lebe suruh-suruhenna kerina, emaka isuruhna kalak nadingken ingan e. La lit ise pe si deban ras Jusup sanga iturikenna man senina-seninana ise kin ia si tuhuna. Perban gangna sorana tangis kalak Mesir pe nterem megisa, janah berita e ipeseh ku istana raja. Nina Jusup kempak senina-seninana, "Aku kap si Jusup. Nggeluh denga nga nge bapangku?" Tapi perban biarna senina-seninana e megi si e lanai ia ngasup njabapsa. Emaka nina Jusup man kalak enda, "Mari terdeheren ku jenda. " Ideheri kalak enda ia, emaka nina Jusup, "Aku kap seninandu si Jusup si dayakenndu ku Mesir. Genduari ula aru atendu, ula isalahkenndu bandu erkiteken idayakenndu aku ku jenda. Si tuhuna Dibata nge si erbahan maka aku leben seh asang kam ku jenda guna nelamatken kalak si nterem. Enda pedua tahunken denga nge kelihen i negeri enda. Lit lima tahun nari la lit kalak si nenggala tah pe

  Thema : Ertoto Guna Kalak si Mpeturah Kiniseran Nas : Matius 5 : 43 – 48  Nas Renungen   " Nggo pe ietehndu kerna ajaren enda, 'Kelengilah temanndu, janah elem-elemlah man imbang-imbangndu. ' Tapi genduari Kukataken man bandu: Kelengilah imbang-imbangndu, janah ertotolah man Dibata kerna kalak si erbahanca kam ngenanami kiniseran. Alu bage kam nggo jadi anak-anak Dibata. Sabap labo saja man kalak si mehuli ibereken Dibata MatawariNa, tapi pe man kalak si jahat. Bage pe labo saja man kalak si bujur ibereken Dibata udan, tapi pe man kalak si la bujur. Sabap adi si ngkelengi kam saja ngenca ikelengindu, man kade Dibata mbalas perbahanenndu e? La kin kalak si muat cuke pe bage ka nge perbahanenna? Janah kai kin lainna kam ras kalak si deban adi ras temanndu saja ngenca kam siperkuanen? Kalak si la nandai Tuhan pe bage nge perbahanenna. Emaka kam arus serta bagi Dibatandu pe serta." Fakta dan Makna  1. Tapi genduari Kukataken man bandu: Kelengilah imbang-imbangndu, jan

  Thema : Kekelengen Teridah Arah Perbahanen Nas : 1 Johanes 3 : 11 -18 Nas Renungen  Mula-mulana nari kin nggo ibegindu berita enda, e me kita arus sikeleng-kelengen. Ula bagi Kain si jadi anak Iblis, agina pe ibunuhna. Ngkai kin maka ibunuh Kain agina? E me erkiteken kai si ibahan Kain salah, janah kai si ibahan agina, rikutken si ngena ate Dibata. Jadi ula mamang atendu o senina-senina, adi nembeh ate bangsa doni enda man bandu. Sieteh kap maka nggo sitadingken kematen janah lawes kita ku kegeluhen; si enda sieteh perbahan keleng ateta seninanta. Kalak si la erkeleng ate, tandana ia tetap denga i teruh kuasa kematen. Kalak si nembah atena seninana, pemunuh kap. Janah ietehndu maka kalak pemunuh la lit i bas ia kegeluhen si tuhu-tuhu si la erkeri-kerin. Arah enda me sieteh kekelengen e: Kristus nggo ngendesken GeluhNa man gunanta. Emaka kita pe arus ngendesken geluhta guna seninanta. Adi lit sekalak bayak idahna seninana kekurangen, tapi la atena mekuah man seninana e, uga banci kala

Thema     : Kuinget Kam Ibas Pertotonku Nas : Pilemon 1 : 4 - 7 Nas Renungen  Rusur kukataken bujur man Dibatangku tep-tep kali kam kuinget i bas pertotonku. Sabap nggo kubegi kerna kekelengenndu man anak-anak Dibata ras kiniteken si lit i bas kam nandangi Tuhan Jesus. Ertoto aku gelah arah persadanta kalak si erkiniteken mabai kita ku pengertin si terbagesen kerna kerina pemere si ialoken kita i bas kegeluhenta erkiteken persadanta ras Kristus. O seninangku si kukelengi,  kekelengenndu e erbahanca ateku malem dingen mpegegehi aku! Kerina anak-anak Dibata nggo ermeriah ukur ibahanndu Fakta dan Makna  1. Sabap Enggo Kubegi Kerna kekelengendu man anak anak Dibata ras kiniteken si lit ibas kam Salah sada ke biasaan kalak si tek man Dibata emekap kekelengenna nandangi anak anak Dibata.  Enda me siidah Paulus bas diri Pilemon.  Emaka alu kalimat komunikasi s transparan i peseh Paulus hal enda man Pilemon secara langsung. Kalak singet muji pelayanan kalak si deban, labo erkiteken atena pes